തിരുവനന്തപുരം: പ്രതിപക്ഷനേതാവ് രമേശ് ചെന്നിത്തല സഭയ്ക്കകത്തും പുറത്തും തന്റെ വിമര്‍ശകനായി മാറിയിരിക്കുകയാണെന്ന് സ്പീക്കര്‍ പി. ശ്രീരാമകൃഷ്ണന്‍. ഇക്കാര്യത്തില്‍ തനിക്ക് ഏറെ ഖേദമുണ്ട്. പ്രതിപക്ഷ നേതാവിന്റെ പ്രസ്താവനകള്‍ ആശാസ്യകരമല്ലെന്ന് ഓര്‍മിപ്പിക്കുന്നതായും സ്പീക്കര്‍ പറഞ്ഞു.
കഴിഞ്ഞദിവസം ചോദ്യോത്തരവേളയില്‍ തനിക്ക് സംസാരിക്കാന്‍ അവസരം നല്‍കാതിരുന്ന സ്പീക്കറുടെ നടപടിയെ പ്രതിപക്ഷ നേതാവ് ചോദ്യം ചെയ്തിരുന്നു. ഇന്നലെ ഈ വിഷയം ഉയര്‍ത്തി പ്രതിപക്ഷ നേതാവ് വീണ്ടും വിമര്‍ശിച്ചപ്പോഴാണ് സ്പീക്കറുടെ പ്രതികരണം.