മുംബൈ: ആര്‍.ബി.ഐയുടെ ഒഴിവുള്ള ഡെപ്യൂട്ടി ഗവര്‍ണര്‍ പദവിയിലേക്ക് ആളെ നിയമിക്കാനുള്ള ശ്രമത്തിലാണ് സര്‍ക്കാര്‍. ഇതിന്റെ ഭാഗമായി ആര്‍.ബി.ഐയുടെ വെബ്‌സൈറ്റില്‍ അപേക്ഷ ക്ഷണിച്ചുകൊണ്ട് ഒരു അറിയിപ്പും അപേക്ഷാ ഫോമും നല്‍കി. നേരത്തെ ഡെപ്യൂട്ടി ഗവര്‍ണറായിരുന്ന ഉര്‍ജിത് പാട്ടേലിനെ ഗവര്‍ണറായി നിയമിച്ചതിനെത്തുടര്‍ന്നു വന്ന ഒഴിവിലേക്കാണ് പുതിയ ആളെ തേടുന്നത്.

പബ്ലിക്ക് അഡ്മിനിസ്‌ട്രേഷനില്‍ ചുരുങ്ങിയത് 25 വര്‍ഷത്തെ ജോലി പരിചയമുള്ള 60 വയസ്സിനു താഴെയുള്ളവര്‍ അപേക്ഷിക്കാന്‍ യോഗ്യരാണ്. 80,000 രൂപയാണ് മാസ ശമ്പളം. മൂന്നു വര്‍ഷത്തേക്കുള്ള നിയമനം പിന്നീട് നീട്ടിയേക്കാം. അപേക്ഷിക്കാനുള്ള അവസാന തിയ്യതി ഒക്ടോബര്‍ 21 ആണ്.