മലപ്പുറം: തീവ്രവാദ-ഭീകര വാദങ്ങള്‍ക്കെതിരേ യുവസമൂഹത്തെ ഒന്നിച്ച് അണിനിരത്തുന്നതിനും രാജ്യത്തെ സമാധാനം നിലനിര്‍ത്തുന്നതിനു വേണ്ടി ഗാന്ധിജയന്തി ദിനത്തോടനുബന്ധിച്ചു മലപ്പുറം മണ്ഡലം മുസ്‌ലിം യൂത്ത്‌ലീഗ് കമ്മിറ്റി ഇന്നു വൈകുന്നേരം നാലിനു മലപ്പുറം കുന്നുമ്മലില്‍ ഗാന്ധി സ്മൃതി എന്ന പരിപാടി നടത്തും.
മണ്ഡലംതല ഉദ്ഘാടനം മുസ്‌ലിംലീഗ് ജില്ലാ ജനറല്‍ സെക്രട്ടറി അഡ്വ. കെ.എന്‍.എ ഖാദര്‍ നിര്‍വഹിക്കും. പി.ഉബൈദുള്ള എംഎല്‍എ, മുസ്‌ലിം യൂത്ത്‌ലീഗ് ജില്ലാ പ്രസിഡന്റ് അന്‍വര്‍ മുള്ളമ്പാറ, ജനറല്‍ സെക്രട്ടറി മുജീബ് കാടേരി, നൗഷാദ് മണ്ണിശ്ശേരി, പി.ബീരാന്‍കുട്ടി ഹാജി, വി.മുസ്തഫ പങ്കെടുക്കും. നാളെ മണ്ഡലത്തിലെ വിവിധ പഞ്ചായത്തുകളില്‍ വിദ്യാലയങ്ങള്‍, അങ്കണവാടികള്‍, ഹോസ്പിറ്റലുകള്‍ എന്നിവ കേന്ദ്രീകരിച്ചു ശുചീകരണ പ്രവര്‍ത്തനങ്ങളും ആരോഗ്യ ബോധവത്കരണ ക്ലാസുകളും നടക്കും.