തരുവണ: മീത്തലിലെ അടക്കാ പുരക്ക് തീപിടിച്ചു. കഴിഞ്ഞ ദിവസം രാത്രിയാണ് തീപിടിത്തമുണ്ടായത്. കൂടുതല്‍ സ്ഥലങ്ങളിലേക്ക് തീ പടരുന്നതിന് മുമ്പ് മാനന്തവാടിയില്‍ നിന്നും രണ്ട് ഫയര്‍ഫോഴ്‌സ് സംഘമെത്തിയാണ് തീ അണച്ചത്. മീത്തല്‍ സ്വദേശി കൊച്ചുമൊയ്തു ഹാജിയുടെ ഉടമസ്ഥതയിലുള്ള ഷെഡ് പൂര്‍ണമായും കത്തി നശിച്ചു. ഇന്നലെ പ്രവൃത്തി തുടങ്ങിയ പാക്കാലയിലെ അടുപ്പില്‍ നിന്നാണ് തീ പടര്‍ന്നത്. തീ കണ്ട് നാട്ടുകാര്‍ എത്തിയെങ്കിലും അണക്കാന്‍ കഴിഞ്ഞിരുന്നില്ല. മൂന്ന് ലക്ഷം രൂപയുടെ നഷ്ടമുണ്ടായതായി മൊയ്തു ഹാജി പറഞ്ഞു.