കോഴിക്കോട്: ജില്ലാ സ്‌കൂള്‍ ഗെയിംസ് മത്സരങ്ങള്‍ക്കു തുടക്കമായി. ഫുട്‌ബോള്‍ മത്സരങ്ങള്‍ കോഴിക്കോട് കോര്‍പറേഷന്‍ സ്റ്റേഡിയത്തിലും ക്രിക്കറ്റ് മത്സരങ്ങള്‍ പയ്യോളി ഗ്രൗണ്ടിലുമാണ് ആരംഭിച്ചത്.
ഇന്നലെ നടന്ന ഫുട്‌ബോള്‍ മത്സരത്തില്‍ 17 ഉപജില്ലകളിലെ ടീമുകള്‍ പങ്കെടുത്തു. ക്വാര്‍ട്ടറില്‍ ഫാറൂഖ് കോളജ് ഏകപക്ഷീയമായ ഒരു ഗോളിന് കൊടുവള്ളിയെ പരാജയപ്പെടുത്തി സെമിയിലെത്തി. രണ്ടാമത്തെ മത്സരത്തില്‍ സിറ്റി ഉപജില്ല ഷൂട്ടൗട്ടില്‍ ചോമ്പാലയെ പരാജയപ്പെടുത്തി സെമി ഉറപ്പാക്കി.
സെമി ഫൈനല്‍ മത്സരങ്ങള്‍ ആറിനു നടക്കും. അണ്ടര്‍ 19 വിഭാഗം മത്സരങ്ങള്‍ അഞ്ചിനും വനിതാ ഫുട്‌ബോള്‍ മത്സരം ആറിനും നടക്കും.