കൂളിവയല്‍: കുളിവയല്‍ ഇമാം ഗസ്സാലി കോളജ് പരിസരത്ത് സംഘര്‍ഷം. എം.എസ്.എഫ് പ്രവര്‍ത്തകര്‍ക്ക് പരുക്ക്. സാലിഹ് ദാരോത്ത്, നിബില്‍ നിയാസ് എന്നിവര്‍ക്കാണ് പരുക്കേറ്റത്. ഇവരെ കല്‍പ്പറ്റയിലെ സ്വകാര്യ ആശുപത്രിയില്‍ പ്രവേശിപ്പിച്ചു. സി.പി.എം, ഡി.വൈ.എഫ്.ഐ, എസ്.എഫ്.ഐ പ്രവര്‍ത്തകരാണ് അക്രമത്തിന് പിന്നിലെന്ന് എം.എസ്.എഫ് ആരോപിച്ചു. ശനിയാഴ്ച രാത്രിയാണ് സംഭവം. ഈമാസം ഏഴിന് നടക്കുന്ന കോളജ് തെരഞ്ഞെടുപ്പിനായി നടത്തിയ ചുമരെഴുത്തുമായി ബന്ധപ്പെട്ടാണ് സംഘര്‍ഷമുണ്ടായത്.
ഹെല്‍മെറ്റ് കൊണ്ട് അടിയേറ്റ കോളജ് യൂണിയന്‍ ചെയര്‍മാന്‍ കൂടിയായ നിബില്‍ നിയാസിന് നെറ്റിയില്‍ ആഴത്തിലുള്ള മുറിവുണ്ട്. ഗസ്സാലിയില്‍ നടന്ന അക്രമത്തില്‍ പ്രതിഷേധിച്ച് പനമരം ടൗണില്‍ യൂത്ത്‌ലീഗ്, എം.എസ്.എഫ്  പ്രവര്‍ത്തകര്‍ ടൗണില്‍ പ്രകടനം നടത്തി. ടി.കെ യൂനസ് അലി, പി.കെ അസ്മത്ത്, അമീന്‍ വെള്ളമുണ്ട, വി. ഉമ്മര്‍, ഹുസൈന്‍ കുഴിനിലം, ഉസ്മാന്‍ കൈതക്കല്‍, ഉവൈസ് അഞ്ചാംമയില്‍, ജാബിര്‍ വി. ഷാജി, മജീദ്,  അസീസ്, ഹാരിസ് കൂളിവയല്‍, ഹാരിസ് കാട്ടിക്കുളം, മഞ്ചേരി കുഞ്ഞമ്മദ് തുടങ്ങിയവര്‍ നേതൃത്വം നല്‍കി.