തിരുവനന്തപുരം: എ.ഐ.വൈ.എഫ് ഇരുപതാം സംസ്ഥാന സമ്മേളനം ഈ മാസം ഏഴ് മുതല്‍ 11 വരെ തിരുവനന്തപുരത്ത് നടക്കും. ഏഴിന് വൈകുന്നേരം 5.30ന് ഐക്യദാര്‍ഢ്യസമ്മേളനത്തില്‍ രോഹിത് വെമുലയുടെ മാതാവ് രാധിക വെമുല, സഹോദരന്‍ രാജാ വെമുല എന്നിവരും പങ്കെടുക്കും. എട്ടിന് യുവജനറാലി നടക്കും. നാലുമണിക്ക് പുത്തരിക്കണ്ടം മൈതാനത്തു നടക്കുന്ന പൊതുസമ്മേളനം സി.പി.ഐ ദേശീയ ജനറല്‍ സെക്രട്ടറി എസ് സുധാകര്‍ റെഡ്ഢി ഉദ്ഘാടനം ചെയ്യും. ഒന്‍പതിന് രാവിലെ 10ന്  പ്രതിനിധി സമ്മേളനം ആനന്ദ് പട്‌വര്‍ധന്‍ ഉദ്ഘാടനം ചെയ്യും.