കൊച്ചി: സീനിയര്‍ വിമന്‍സ് ഏകദിന ലീഗ് മത്സരത്തില്‍ കേരളത്തിന്് ജയം. ചെന്നൈ ഐ.സി - ഗുരുനാനക്ക് കോളജ് ഗ്രൗണ്ടില്‍ നടന്ന മത്സരത്തില്‍ കേരളം നാല് വിക്കറ്റിന് വിദര്‍ഭയെ തോല്‍പ്പിച്ചു.  141 റണ്‍സിന്റെ ലക്ഷ്യവുമായി ബാറ്റിങിനിറങ്ങിയ കേരളം  അവസാന ഓവറില്‍ ആറു വിക്കറ്റ് നഷ്ടത്തില്‍ ലക്ഷ്യം കണ്ടു. കേരളത്തിന് വേണ്ടി ക്യാപ്റ്റന്‍ ആശ. എസ് ( 45) ജിന്‍സി ജോര്‍ജ്( 44) എന്നിവര്‍ മികച്ച ബാറ്റിങ് പ്രകടനം കാഴ്ച്ച വച്ചു.  
നേരത്തെ ടോസ് നേടി ബാറ്റിങ് തെരഞ്ഞെടുത്ത വിദര്‍ഭ 50 ഓവറില്‍ അഞ്ചു വിക്കറ്റ് നഷ്ടത്തില്‍ 140 റണ്‍സെടുത്തു. കേരളത്തിന് വേണ്ടി സജ്‌ന എസ്, കീര്‍ത്തി കെ ജെയിംസ്, മിന്നു മണി എന്നിവര്‍ ഓരോ വിക്കറ്റ് വീതം വീഴ്ത്തി.