വടകര: ഗാന്ധിജിയുടെ നിസ്വാര്‍ത്ഥ ജീവിതം പുതുതലമുറയിലേക്ക് എത്തിക്കുക എന്ന ലക്ഷ്യത്തോടെ തോടന്നൂര്‍ എം.എല്‍.പി സ്ൂളില്‍ നടപ്പിലാക്കിയ 'ബാപ്പുജിക്കൊപ്പം' രണ്ടാഘട്ടം വിദ്യാര്‍ഥികള്‍ക്ക് ആവേശമായി.
 സ്‌കൂളിലെ മുഴുവന്‍ കുട്ടികള്‍ക്കും നവജീവന്‍ പ്രസിദ്ധീകരിച്ച ഗാന്ധിജിയുടെ ആത്മകഥയും നഴ്‌സറി വിദ്യാര്‍ഥികള്‍ക്ക് ഗാന്ധിജിയുടെ ലാമിനേറ്റഡ് ഫോട്ടോയും നല്‍കി.
പ്രശസ്ത ചരിത്ര ഗവേഷകന്‍ പി. ഹരീന്ദ്രനാഥ് ഉദ്ഘാടനം ചെയ്തു.
വാര്‍ഡ് മെമ്പര്‍ ഡി പ്രജീഷ് അധ്യക്ഷനായി. എഫ്.എം മുനീര്‍, പി.എം മൊയ്തീന്‍ മൗലവി, അജിത്ത് ദ്വാരക, സൂപ്പി തിരുവള്ളൂര്‍, ടി.വി മുസ്തഫ, സി.പി ശശിധരന്‍ സംസാരിച്ചു.
അടുത്ത ഘട്ടത്തില്‍ വിദ്യാര്‍ഥികളെയും രക്ഷിതാക്കളെയും പങ്കെടുപ്പിച്ച് ചിത്രരചന, പ്രശ്‌നോത്തരി, പ്രാദേശിക ചരിത്രശേഖരണം എന്നിവ നടത്തും.
കാറുകള്‍ കൂട്ടിയിടിച്ചു രണ്ടുപേര്‍ക്ക് പരുക്ക്