വാണിമേല്‍: റെയ്ഞ്ച് ജംഇയ്യത്തുല്‍ മുഅല്ലിമീന്റെ ആഭിമുഖ്യത്തില്‍ വാണിമേല്‍ സി.സി മുക്ക് മിശ്ക്കാത്തുല്‍ ഹുദാ മദ്‌റസയില്‍ എസ്.കെ.എസ്.ബി.വി സാരഥി സംഗമം സംഘടിപ്പിച്ചു. റെയ്ഞ്ച് സെക്രട്ടറി ഉണ്ണീന്‍ കുട്ടി മുസ്‌ലിയാര്‍ അധ്യക്ഷനായി. റെയ്ഞ്ച് പ്രസിഡന്റ് അബ്ദുല്‍ സലാം ദാരിമി അടിവാരം ഉദ്ഘാടനം ചെയ്തു.
ശിഹാബുദ്ദീന്‍ ദാരിമി പ്രാര്‍ഥനയ്ക്ക് നേതൃത്വം നല്‍കി. ഉമര്‍ മുസ്‌ലിയാര്‍ ഖിറാഅത്ത് നിര്‍വഹിച്ചു. ഹാരിസ് റഹ്മാനി തിനൂര്‍ വിഷയമവതരിപ്പിച്ചു. അലി അസ്ഹരി, മുനീര്‍ ഫൈസി ചേരനാണ്ടി, കെ.ടി.കെ റാഷിദ് പ്രസംഗിച്ചു. മുഹമ്മദ് റഹ്മാനി മോന്തോല്‍ വാര്‍ഷിക കര്‍മ പദ്ധതികള്‍ വിശദീകരിച്ചു. കണ്‍വീനര്‍ യൂനുസ് മുളിവയല്‍ സ്വാഗതവും മുഹമ്മദ് വാഫി നന്ദിയും പറഞ്ഞു.