കൊപ്പം: 35 ഏക്കര്‍ സ്ഥലത്ത് 13 കര്‍ഷകര്‍ കഴിഞ്ഞ ജൂണ്‍ മാസത്തില്‍ വിളയൂര്‍ കുപ്പൂത്ത് വള്ളിയത്ത് പാടശേഖരത്തില്‍ ആരംഭിച്ച കൂട്ടുകൃഷിയുടെ കൊയ്ത്തുത്സവം നടന്നു. കര്‍ഷക കൂട്ടായ്മ രൂപീകരിച്ച് ചിലവു തുക മുന്‍കൂട്ടി സമാഹരിച്ചാണ് കാര്‍ഷിക പ്രവര്‍ത്തനങ്ങള്‍ ഏകോപിപ്പിച്ചത്. വിളയൂരില്‍ നടത്തിയ ആദ്യ കൂട്ടുകൃഷിയുടെ കൊയ്ത്തുത്സവത്തില്‍ നാട്ടുകാരും ജനപ്രതിനിധികളും തൊഴിലുറപ്പ് തൊഴിലാളികളും പങ്കാളികളായി. ജില്ലാ പഞ്ചായത്ത് പ്രസിഡന്റ് അഡ്വ. ശാന്തകുമാരി ഉദ്ഘാടനം ചെയ്തു. വിളയൂര്‍ പഞ്ചായത്ത് പ്രസിഡന്റ് കെ.മുരളി അധ്യക്ഷനായി. പട്ടാമ്പി ബ്ലോക്ക് പഞ്ചായത്ത് പ്രസിഡന്റ് കമ്മുക്കുട്ടി എടത്തോള്‍ മുഖ്യാതിഥിയായി. കൃഷി ഓഫിസര്‍ വി.പി സിന്ധു, പാടശേഖര സമിതി സെക്രട്ടറി കെ.വിശ്വനാഥന്‍, എ.കെ ഉണ്ണികൃഷ്ണന്‍, നീലടി സുധാകരന്‍, കെ. കൃഷ്ണകുമാരി  പ്രസംഗിച്ചു.