നെട്ടൂര്‍: നെട്ടൂര്‍ വിമലഹൃദയ ദേവാലയത്തില്‍ ഇടവകാടിസ്ഥാനത്തില്‍ നടത്തിയ ബൈബിള്‍ ക്വിസ് മത്സരം നെട്ടൂര്‍ മഹല്ല് ഖത്തീബ് ഹസന്‍ ഫൈസി ഉല്‍ഘാടനം ചെയ്തത് മത സൗഹാര്‍ദ്ദത്തിന്റെ വേറിട്ടൊരനുഭവമായി.
ചടങ്ങില്‍ ഇടവക വികാരി ഐസക്ക് കുരിശിങ്കല്‍, ടി.പി ആന്റണി മാസ്റ്റര്‍എന്നിവര്‍ സംസാരിച്ചു. കഴിഞ്ഞ വര്‍ഷം സ്വാതന്ത്യ ദിനാഘോഷത്തിന് ഇതേ ദേവാലയത്തില്‍ ദേശീയ പതാക ഉയര്‍ത്തിയതു നെട്ടൂര്‍ മഹല്ല് ഖത്തീബായിരുന്നു. കഴിഞ്ഞ റമദാനില്‍ നെട്ടൂര്‍ ജുമാ മസ്ജിദില്‍ ഇഫ്താര്‍ വിരുന്നൊരുക്കി വിമല ഹൃദയ പള്ളി വികാരി ഫാ: ഐസക് കുരിശിങ്കല്‍ മാതൃകയായിരുന്നു.