കിളിമാനൂര്‍ : കെ.പി.സി.സി ജനറല്‍ സെക്രട്ടറി പി .സി. വിഷ്ണുനാഥിനെതിരെ കിളിമാനൂര്‍  തട്ടത്തുമല സ്‌കൂളിലെ ഒരു സംഘം രക്ഷിതാക്കള്‍ ഹൈക്കോടതിയെ സമീപിക്കുന്നു.
സ്വാശ്രയസമരത്തോടനുബന്ധിച്ച് സ്‌കൂളുകളില്‍ പഠിപ്പ് മുടക്കിന് ആഹ്വാനം ചെയ്തതിനെതിരെയാണ് കോടതിയെ സമീപിക്കുന്നത്. സംസ്ഥാനത്തെ സ്‌കൂളുകളില്‍ രാഷ്ട്രീയം പാടില്ലെന്ന് 1996 ല്‍ ജസ്റ്റിസ് കെ.എസ് രാധാകൃഷ്ണന്‍ ഉത്തരവിട്ടിരുന്നു. ഈ വിധിക്കെതിരാണ് പഠിപ്പ് മുടക്കിനുള്ള ആഹ്വാനമെന്നും, കോടതി അലക്ഷ്യത്തിന്  ഹര്‍ജി നല്‍കുമെന്നും രക്ഷിതാക്കള്‍ പറഞ്ഞു.വിദ്യാര്‍ഥിി സംഘടനകള്‍ സ്‌കൂളുകളില്‍ പഠിപ്പുമുടക്കിന് ആഹ്വാനം ചെയ്യുന്നത് മനസ്സിലാക്കാനാകും. എന്നാല്‍ കെ.പി.സി.സി ജനറല്‍ സെക്രട്ടറിയായ വിഷ്ണുനാഥാണ് സമരത്തിന് ആഹ്വാനം ചെയ്തതെന്നാണ് മാധ്യമങ്ങളിലൂടെ അറിഞ്ഞതെന്ന് രക്ഷിതാക്കള്‍ പറയുന്നു.തട്ടത്തുമല വാഴോട് മണ്‍വീണ വീട്ടില്‍ കെ ജി ബിജു ,തട്ടത്തുമല യാഷ് മന്‍സിലില്‍ യഹിയ തുടങ്ങിയവരാണ് അഡ്വ .സിജു കമലാസനന്‍ മുഖാന്തിരം കോടതിയെ സമീപിക്കുന്നത്.