മട്ടാഞ്ചേരി: വര്‍ഷങ്ങളുടെ ഇടവേളയ്ക്കു ശേഷം കൊച്ചി തുറമുഖം രാസവള ഇറക്കുമതിക്കൊരുങ്ങുന്നു.
എം.വി ഇലിനാഗോയെന്ന കപ്പലാണു ബുധനാഴ്ച രാവിലെ രാസവളവുമായി കൊച്ചിതുറമുഖത്ത് അടുക്കുന്നത്. റഷ്യയില്‍ നിന്ന് മംഗലാപുരം തുറമുഖം വഴി ചരക്കിറക്കി കൊച്ചിയിലെത്തുന്ന കപ്പലില്‍ നിന്നു 16500 ടണ്‍ രാസവളമാണ് ഇറക്കുമതി ചെയ്യുകയെന്ന് തുറമുഖ ട്രസ്റ്റ് അധികൃതര്‍ പറഞ്ഞു. ഇന്ത്യന്‍ പൊട്ടാഷിന് വേണ്ടി ഇറക്കുമതി ചെയ്യുന്ന രാസവള നീക്കത്തിലുടെ ഓട്ടേറെ തൊഴിലവസരങ്ങളുണ്ടാകും. ഒപ്പം തുറമുഖത്തിനു വരുമാനവുമുണ്ടാകും.അടുത്തയാഴ്ച തുറമുഖത്ത് ഗോതമ്പ് കപ്പലെത്തുമെന്നും അധികൃതര്‍ അറിയിച്ചു.