കൊച്ചി: കെ.സി.ബി.സി മദ്യവിരുദ്ധസമിതി 1000 വിദ്യാലയങ്ങളില്‍ നടത്തുന്ന ലഹരിവിരുദ്ധ ബോധവല്‍ക്കരണ സെമിനാറുകളുടെ ഭാഗമായി പാലാരിവട്ടം സെന്റ്‌ജോണ്‍ ദി ബാപ്റ്റിസ്റ്റ് ഇടവക മദ്യവിരുദ്ധ സമിതിയുടെ നേതൃത്വത്തില്‍ പൊന്നുരുന്നി സെന്റ് റീത്താസ് ഹൈസ്‌കൂളില്‍ വിദ്യാര്‍ഥികള്‍ക്കായി ലഹരിവിരുദ്ധ ബോധവല്‍ക്കരണ സെമിനാറും ലഹരിവിരുദ്ധ പ്രതിജ്ഞയും സംഘടിപ്പിച്ചു. സെമിനാര്‍ ഫൊറോന വികാരി ഫാ. തോമസ് പുളിക്കല്‍ ഉദ്ഘാടനം ചെയ്തു. കെ.സി.ബി.സി. മദ്യവിരുദ്ധസമിതി മുന്‍ സംസ്ഥാന വൈസ് പ്രസിഡന്റ് കെ.വി ക്ലീറ്റസ് അധ്യക്ഷത വഹിച്ചു.
കെ.സി.ബി.സി. മദ്യവിരുദ്ധസമിതി സംസ്ഥാന സെക്രട്ടറി അഡ്വ.ചാര്‍ളിപോള്‍ സെമിനാറില്‍ ക്ലാസെടുത്തു.
ഹെഡ്മാസ്റ്റര്‍ എന്‍.ജെ ഫ്രാന്‍സിസ് സ്വാഗതവും ടി.ജെ ജെനറ്റ് നന്ദിയും പറഞ്ഞു.