തേഞ്ഞിപ്പലം: സുപ്രഭാതം ദിനപത്രത്തിന്റെ പ്രാദേശിക ലേഖകനും പള്ളിക്കല്‍ പഞ്ചായത്ത് എസ്.വൈ.എസ് ജോയിന്റ് സെക്രട്ടറിയുമായ എന്‍.എം.കോയ പള്ളിക്കലിനെ മര്‍ദിക്കുകയും കാമറ അപഹരിക്കുകയും ചെയ്ത കാന്തപുരം സുന്നി പ്രവര്‍ത്തകരെ ഉടന്‍ അറസ്റ്റ് ചെയ്യണമെന്നാവശ്യപ്പെട്ട് പള്ളിക്കല്‍ പഞ്ചായത്ത് എസ്.വൈ.എസ് കമ്മിറ്റിയുടെയും  എസ്.കെ.എസ്.എസ്.എഫ് പള്ളിക്കല്‍ ക്ലസ്റ്റര്‍ കമ്മിറ്റിയുടെയും സംയുക്താഭിമുഖ്യത്തില്‍ ടൗണില്‍ പ്രതിഷേധ പ്രകടനം നടത്തി. നൂറോളം പ്രവര്‍ത്തകര്‍ പങ്കെടുത്ത പ്രകടനം കാന്തപുര വിഭാഗത്തിനുള്ള താക്കീതായി മാറി.  മുസ്തഫ ഫൈസി ഉദ്ഘാടനം ചെയ്തു. പഞ്ചായത്ത് എസ്.വൈ.എസ് സെക്രട്ടറി വി.ടി സൈഫുദ്ധീന്‍, എസ്.കെ.എസ്.എസ്.എഫ് പള്ളിക്കല്‍ ക്ലസ്റ്റര്‍ പ്രസിഡന്റ് അയ്യൂബ്, സെക്രട്ടറി മുഹമ്മദ് കുട്ടി, ഗഫൂര്‍, ഷബീര്‍, നവാസ് പുല്‍ പറമ്പ് തുടങ്ങിയവര്‍ നേതൃത്വം നല്‍കി.