അലനല്ലൂര്‍: വിദ്യാര്‍ഥികളിലും പൊതു ജനങ്ങളിലും ശുചിത്വ ബോധം വളര്‍ത്തുക, നാടിന്റെ ശുചിത്വം നിലനിര്‍ത്തുന്നതിനായി വിദ്യാര്‍ഥി യുവജനങ്ങളുടെ കര്‍മശേഷി ഫലപ്രദമായി വിനിയോഗിക്കുക എന്നീ ലക്ഷ്യങ്ങളോടെ എടത്തനാട്ടുകര കോട്ടപ്പള്ള ഗവ. ഹയര്‍ സെക്കന്‍ഡറി സ്‌കൂള്‍ സ്‌കൗട്ട് ആന്‍ഡ് ഗെയ്ഡ് യൂനിറ്റ്, എന്‍.എസ്.എസ് യൂനിറ്റ് എന്നിവയുടെ സംയുക്താഭിമുഖ്യത്തില്‍ ശുചിത്വഗ്രാമം പദ്ധതി ആരംഭിച്ചു. അലനല്ലൂര്‍ കമ്മൂണിറ്റി ഹെല്‍ത്ത് സെന്റര്‍ ശുചീകരിച്ചു.
ഡോ. എന്‍. അബ്ബാസ് ഉദ്ഘാടനം ചെയ്തു. വി.വി. ദിനേശ്, ഒ. മുഹമ്മദ് അന്‍വര്‍, എന്‍. അബ്ദുന്നാസര്‍, അജ്ഞന ടീച്ചര്‍, റീമ, ശിവജിത്ത്, അസ്‌ന ഷെറിന്‍ നേത്യത്വം നല്‍കി.