മലപ്പുറം: എം.എസ്.എം ജില്ലകളില്‍ ഹയര്‍ സെക്കന്‍ഡറി വിദ്യാഭ്യാസ സമ്മേളനങ്ങള്‍ നടത്തുന്നു. എട്ട്, 10, 11 തിയതികളിലാണ് സമ്മേളനങ്ങള്‍ നടത്തുന്നത്.
മലപ്പുറം ഈസ്റ്റ് സമ്മേളനം (മഞ്ചേരി), വെസ്റ്റ് ജില്ലാ സമ്മേളനം (കാലിക്കറ്റ് യൂനിവേഴ്‌സിറ്റി), കോഴിക്കോട് സൗത്ത് സമ്മേളനം (മുക്കം), വയനാട് (കല്‍പ്പറ്റ), പാലക്കാട് (ഒറ്റപ്പാലം), എറണാകുളം (ആലുവ), കൊല്ലം (കരുനാഗപ്പള്ളി), കണ്ണൂര്‍, കോഴിക്കോട്  നോര്‍ത്ത് (പൂനൂര്‍) എന്നിവിടങ്ങളിലാണ് സമ്മേളനം നടക്കുക.
 മന്ത്രിമാരായ  കെ.ടി ജലീല്‍, എ.കെ ശശീന്ദ്രന്‍, സ്പീക്കര്‍ പി. ശ്രീരാമകൃഷ്ണന്‍, എം.എല്‍.എമാരായ പി.വി അന്‍വര്‍, വി.കെ ഇബ്‌റാഹിംകുഞ്ഞ് എന്നിവര്‍ വിവിധ സ്ഥലങ്ങളില്‍ പങ്കെടുക്കും.
വാര്‍ത്താസമ്മേളനത്തില്‍ എം.എസ്.എം സംസ്ഥാന പ്രസിഡന്റ് ജലീല്‍ മാമാങ്കര, വൈസ് പ്രസിഡന്റ് അബ്ദുല്‍ സുഫിയാന്‍, നുഫൈല്‍ തിരൂരങ്ങാടി, ജസീം പാലക്കാട് പങ്കെടുത്തു.