മുക്കം: കോഴിക്കോട് കേന്ദ്രമായി പ്രവര്‍ത്തിക്കുന്ന സിജിയുടെ പുതിയ സംരംഭമായ 'മിഷന്‍ 100 സി4സി ' യുടെ ജില്ലാതല ഉദ്ഘാടനം നാളെ രാവിലെ 9 മണിക്ക്  ചേന്ദമംഗല്ലൂര്‍ യു.പി സ്‌കൂളില്‍ നടക്കും.
നാല്‍പ്പത് ദിനം കൊണ്ട് ഉദ്യോഗാര്‍ഥികള്‍ക്ക് മികച്ച പരിശീലനം നല്‍കി മത്സര പരീക്ഷകളില്‍ ഉന്നത വിജയം കരസ്ഥമാക്കാന്‍ പ്രാപ്തരാക്കുകയാണ് പദ്ധതിയിലൂടെ ലക്ഷ്യമിടുന്നത്. വര്‍ഷങ്ങളായി വിദ്യാഭ്യാസ പരിശീലന രംഗത്ത്  പ്രവര്‍ത്തിക്കുന്ന ചേന്ദമംഗല്ലൂര്‍ കരിയര്‍ കെയര്‍ സെന്ററുമായി (4സി) സഹകരിച്ചാണ് ചേന്ദമംഗല്ലൂരില്‍ പദ്ധതി നടപ്പിലാക്കുന്നത്.
കേരളത്തില്‍ നൂറ് സെന്ററുകളാണ് ആരംഭിക്കുന്നത്. മുക്കം മുനിസിപ്പാലിറ്റി ചെയര്‍മാന്‍ വി.കുഞ്ഞന്‍ ഉദ്ഘാടനം ചെയ്യും. കണ്ണൂര്‍ ജില്ലാ ഡെപ്യൂട്ടി കലക്റ്റര്‍ സി.ബിജു മുഖ്യാതിഥിയായിരിക്കും. മുക്കം മുനിസിപ്പാലിറ്റി വൈസ് ചെയര്‍പഴ്‌സന്‍ ഫരീദ മോയിന്‍കുട്ടി, നഗരസഭ കൗണ്‍സിലര്‍ പി.പി.അനില്‍കുമാര്‍, ടി.സലീം, കെ.സുബൈര്‍, കെ.അബ്ദുസമദ് എന്നിവര്‍ സംസാരിക്കും.