കോഴിക്കോട്: ലെന്‍സ്‌ഫെഡ് ജില്ലാ കമ്മിറ്റിയുടെ ആഭിമുഖ്യത്തില്‍ 'ബില്‍ഡ് എക്‌സ്‌പോ-2016' കെട്ടിട നിര്‍മാണ സാമഗ്രികളുടെ പ്രദര്‍ശനം ബീച്ച് മറൈന്‍ ഗ്രൗണ്ടില്‍ ആരംഭിച്ചു. എം.കെ രാഘവന്‍ എം.പി ഉദ്ഘാടനം ചെയ്തു. ലെന്‍സ്‌ഫെഡ് ജില്ലാ പ്രസിഡന്റ് കെ.ഇ ഫസല്‍ അധ്യക്ഷനായി. ജില്ലാ പഞ്ചായത്ത് പ്രസിഡന്റ് ബാബു പാറശ്ശേരി സ്റ്റാള്‍ ഉദ്ഘാടനം ചെയ്തു.
കോര്‍പറേഷന്‍ ഡെപ്യൂട്ടി മേയര്‍ മീരാ ദര്‍ശക്, പ്രതിപക്ഷ നേതാവ് പി.എം സുരേഷ് ബാബു, ലെന്‍സ്‌ഫെഡ് നേതാക്കളായ രാജേഷ് പുത്തന്‍പുരയില്‍, കെ. മധുസൂദനന്‍, സജി കുര്യാക്കോസ്, സി.എച്ച് ഹാരിസ്, കെ.കെ സുധീഷ് കുമാര്‍, പ്രൊഫ. ടി. ശോഭീന്ദ്രന്‍, എന്‍ജി. പി. മമ്മദ്‌കോയ, കെ.  സലീം, പി. ചാത്തുണ്ണി, പ്രമോദ്കുമാര്‍ സംസാരിച്ചു.
ഇന്നും നാളെയുമായി രാവിലെ 10.30 മുതല്‍ രാത്രി എട്ടുവരെ തുടരുന്ന പ്രദര്‍ശനത്തില്‍ വിവിധ വിഷയങ്ങളില്‍ വിദഗ്ധരുടെ സെമിനാറും വിദ്യാര്‍ഥി സംഗമവും ചര്‍ച്ചാ ക്ലാസും നടക്കും.