കോഴിക്കോട്: നവംബറില്‍ കോഴിക്കോട്ട് നടക്കുന്ന ജൂനിയര്‍ അന്തര്‍ജില്ലാ ഫുട്‌ബോള്‍ ടൂര്‍ണമെന്റില്‍ പങ്കെടുക്കുന്ന ജില്ലാ ടീമിന്റെ കോച്ചിങ് ക്യാംപിലേക്ക് കളിക്കാരെ തിരഞ്ഞെടുക്കുന്നതിനായി സംഘടിപ്പിക്കുന്ന ടൂര്‍ണമെന്റ് ഇന്നു മുതല്‍ കോര്‍പറേഷന്‍ സ്റ്റേഡിയത്തില്‍ നടക്കും.
രാവിലെ 7.30ന് നടക്കുന്ന ആദ്യമത്സരത്തില്‍ കോസ്‌മോസ് തിരുവമ്പാടി ഡ്രീംസ് ഒളവണ്ണയെ നേരിടും. മൂന്ന് ടീമുകള്‍ വീതമുള്ള ഗ്രൂപ്പുകളിലായി ലീഗ് കം നോക്കൗട്ട്  അടിസ്ഥാനത്തില്‍ നടക്കുന്ന ടൂര്‍ണമെന്റില്‍ ജില്ലയിലെ ക്ലബുകള്‍, ഫുട്‌ബോള്‍ അക്കാദമികള്‍, സ്‌കൂളുകള്‍ എന്നിവയെ പ്രതിനിധീകരിച്ച് 38 ടീമുകള്‍ ടൂര്‍ണമെന്റില്‍ പങ്കെടുക്കും.