കല്‍പ്പറ്റ: യാക്കോബായ സുറിയാനി സഭയുടെ കീഴിലുള്ള സണ്‍ഡേ സ്‌കൂള്‍ പ്രസ്ഥാനത്തിന്റെ ആഭിമുഖ്യത്തില്‍ മീനങ്ങാടിയില്‍ നടക്കുന്ന വിദ്യാര്‍ഥി-അധ്യാപക വൈദിക സംഗമത്തിനുള്ള ഒരുക്കങ്ങള്‍ പൂര്‍ത്തിയായതായി സ്വാഗതസംഘം ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
നാളെ മീനങ്ങാടി സെന്റ് പീറ്റേഴ്‌സ് ആന്‍ഡ് സെന്റ് പോള്‍സ് കത്തീഡ്രല്‍ അങ്കണത്തിലാണ് പരിപാടി. സംഗമത്തിന്റെ ഉദ്ഘാടനം പ്രതിപക്ഷ നേതാവ് രമേശ് ചെന്നിത്തല നിര്‍വഹിക്കും. മലബാര്‍ ഭദ്രാസനാധിപന്‍ സഖറിയാസ് മോര്‍ പോളികാര്‍പ്പോസ് മെത്രാപ്പോലീത്ത അധ്യക്ഷനാകും.  എം.ജെ.എസ്.എസ്.എ പ്രസിഡന്റ് മാത്യൂസ് മോര്‍ അപ്രേം മെത്രാപ്പോലീത്ത മുഖ്യസന്ദേശം നല്‍കും.
ഐ.സി ബാലകൃഷ്ണന്‍ എം.എല്‍.എ, മീനങ്ങാടി പഞ്ചായത്ത് പ്രസിഡന്റ് ബീനാവിജയന്‍, എം.ജെ.എസ്.എസ്.എ ജനറല്‍ സെക്രട്ടറി ഷെവലിയാര്‍ എം.ജെ മാര്‍ക്കോസ് ചടങ്ങില്‍ പങ്കെടുക്കും. കൂളിവയല്‍ സൈന്‍ എക്‌സിക്യൂട്ടീവ് ഡയറക്ടര്‍ റാഷിദ് ഗസാലി ഇന്‍സ്പിരേഷന്‍ ടോക്ക് നടത്തും.