കാഞ്ഞങ്ങാട്: ബേക്കല്‍ ഉപജില്ലാ കലോത്സവം നഗരത്തിനടുത്ത ഇഖ്ബാല്‍ ഹയര്‍ സെക്കന്‍ഡറി സ്‌കൂളില്‍ നടക്കും. അടുത്ത മാസം 14 മുതല്‍ 19 വരെ നടക്കുന്ന ഉപജില്ലാ കലോത്സവത്തില്‍ ഉപ ജില്ലയിലെ 69 സ്‌കൂളുകളില്‍ നിന്നായി 3,000 ത്തോളം കലാപ്രതിഭകള്‍ മാറ്റുരക്കും.
15, 16 തിയതികളില്‍ സ്റ്റേജിതര മത്സരങ്ങളും 17,18,19, തിയതികളില്‍ സ്റ്റേജിന മത്സരങ്ങളുമാണു നടക്കുക.  അടുത്ത മാസം 14 ന് രജിസ്‌ട്രേഷന്‍ ആരംഭിക്കും.
കാഞ്ഞങ്ങാട് ഉപജില്ലാ കലോത്സവം കാഞ്ഞങ്ങാട് സൗത്ത് ഗവ. വൊക്കേഷണല്‍ ഹയര്‍ സെക്കന്‍ഡറി സ്‌കൂളിലും നടക്കും.
നവംബര്‍ അവസാനവാരത്തോടെ നടക്കുന്ന കലോത്സവത്തില്‍ 80 വിദ്യാലയങ്ങളില്‍ നിന്നായി മൂവായിരത്തോളം കലാപ്രതിഭകള്‍ മത്സരിക്കും.