കോട്ടക്കല്‍: ജില്ലാ അമേച്വര്‍ ബോക്‌സിങ് അസോസിയേഷന്‍ സംഘടിപ്പിക്കുന്ന പുരുഷ വനിത ചാംപ്യന്‍ഷിപ്പ് ഇന്നും നാളെയുമായി ഗവ. രാജാസ് ഹയര്‍സെക്കന്‍ഡറി സ്‌കൂളില്‍ നടക്കും. ജില്ലയിലെ പതിനഞ്ചോളം ക്ലബ്ബുകളില്‍നിന്നായി ഇരുന്നൂറിലധികം ബോക്‌സിങ് താരങ്ങള്‍ പങ്കെടുക്കും.  
സബ്ജൂനിയര്‍, ജൂനിയര്‍, യൂത്ത്, സീനിയര്‍ വിഭാഗങ്ങളിലായാണു മത്സരം. പ്രൊഫ.കെ.കെ ആബിദ് ഹുസൈന്‍ തങ്ങള്‍ എം.എല്‍.എ ഉദ്ഘാടനം ചെയ്യും. ജില്ലാ സ്‌പോര്‍ട്‌സ് കൗണ്‍സില്‍ പ്രസിഡന്റ് പി.ശംസുദ്ദീന്‍ സമ്മാനദാനം നിര്‍വഹിക്കുമെന്നും ഭാരവാഹികളായ പി.രവീന്ദ്രന്‍, രമേഷ്‌കുമാര്‍ കോഴിക്കോട്, അഷ്‌റഫ് എടപ്പാള്‍, മൊയ്തുട്ടി കോട്ടക്കല്‍, രാമന്‍ കോട്ടക്കല്‍, വിജയന്‍, ഷിബിന്‍, ദിനേഷ് എന്നിവര്‍ അറിയിച്ചു.