തിരൂര്‍: ഭൂരിപക്ഷം നഷ്ടപ്പെട്ട മത്സ്യഫെഡ് ഭരണസമിതി പിരിച്ചു വിടണമെന്നാവശ്യപ്പെട്ടു മത്സ്യതൊഴിലാളി യൂനിയന്‍(സി.ഐ.ടി.യു) നേതൃത്വത്തില്‍ മത്സ്യഫെഡ് ഓഫിസിലേക്ക് മാര്‍ച്ച് നടത്തി.
ഭൂരിപക്ഷം നഷ്ടപ്പെട്ട ഭരണസമിതി പിരിച്ചുവിട്ടു മത്സ്യഫെഡിലെ അഴിമതി അന്വേഷിക്കണമെന്നാവശ്യപ്പെട്ടായിരുന്നു സമരം. തിരൂര്‍ കെ.ജി പടിയിലെ മത്സ്യഫെഡ് ഓഫിസിലേക്ക് നടത്തിയ മാര്‍ച്ച് മത്സ്യതൊഴിലാളി ഫെഡറേഷന്‍ സി.ഐ.ടി.യു.സംസ്ഥാന ജനറല്‍ സെക്രട്ടറി കൂട്ടായി ബഷീര്‍ ഉദ്ഘാടനം ചെയ്തു. താഴെപ്പാലത്തു നിന്നും പ്രകടനമായി  എത്തിയായിരുന്നു സമരം.ജില്ലാ പ്രസിഡന് പി.പി.സോമസുന്ദരന്‍ അധ്യക്ഷനായി. എം.ബാപ്പുട്ടി , അഡ്വ:യു.സൈനുദ്ധീന്‍, എം.അനില്‍കുമാര്‍ തുടങ്ങിയവര്‍ സംസാരിച്ചു. കെ.പി.കോയ, എ.എ.റഹിം നേതൃത്വം നല്‍കി.