കോട്ടയം: യൂനിവേഴ്‌സല്‍ റെക്കോര്‍ഡ് ഫോറത്തിന്റെ ഐക്കണ്‍ 2016 അവാര്‍ഡ് സുമേഷ് കൂട്ടിക്കലിന്. മലയാള സംഗീതരംഗത്തിന് നല്‍കിയ സംഭാവനകളാണ് സുമേഷിനെ അവാര്‍ഡിന് അര്‍ഹനാക്കിയത്. 2002 ല്‍ സംഗീത രംഗത്തേക്ക് രംഗ പ്രവേശനം നടത്തിയ സുമേഷ് അഞ്ഞൂറില്‍പ്പരം മലയാള ഗാനങ്ങള്‍ക്ക് സംഗീതം നല്‍കി.പാവന ദീപം എന്ന ക്രിസ്തീയ ഭക്തിഗാനത്തിലൂടെയാണ് ഇദ്ദേഹം ശ്രദ്ധേയനായത്.
കൂടാതെ നജീം അര്‍ഷാദ് ആലപിച്ച മുസ്ലീം ഭക്തി ഗാനത്തിലൂടെ സുമേഷ് കുട്ടിക്കല്‍ മലയാളികള്‍ക്ക് സുപരിചിതനായി. നിരവധി സൂപ്പര്‍ ഗാനങ്ങള്‍ സമ്മാനിച്ച ഇദ്ദേഹം 2010 ല്‍ മികച്ച സംഗീത സംവിധായകനുള്ള ഇല്യൂഷന്‍ ആര്‍ട്ടിസ്റ്റ് അവാര്‍ഡും കരസ്ഥമാക്കിയിരുന്നു. മിസ്ഡ്‌കോള്‍ ഹാര്‍ട്ട്ബീറ്റ് ഓഫ് കേരള, ഓര്‍മയില്‍ എന്നും തുടങ്ങി നിരവധി ആല്‍ബത്തിലൂടെയും ഹിന്ദു ഭക്തി ഗാനത്തിലൂടെയും ജനശ്രദ്ധ നേടിയ സിമേഷ് സംഗീത സംവിധാനം നിര്‍വഹിച്ച തൂമഞ്ഞു തുള്ളികള്‍ എന്ന ഗാനം സോഷ്യല്‍ മീഡിയകളില്‍ വൈറലായിരുന്നു. ചിന്നദാദ എന്നചിത്രത്തിനു വേണ്ടി യേശുദാസും ഷാരോണ്‍ ജോണും ചേര്‍ന്ന് ആലപിച്ച ശിശിരവാനില്‍ എന്ന ഗാനത്തിന്റെ സംഗീത സംവിധാനം നിര്‍വഹിച്ചതും സുമേഷായിരുന്നു.