ആലപ്പുഴ: തൊഴിലുറപ്പ് പദ്ധതി സംരക്ഷിച്ച് നിലവിലുള്ള കൂലിയും തൊഴില്‍ദിനങ്ങളും വര്‍ധിപ്പിക്കണമെന്ന് തൊഴിലുറപ്പ് തൊഴിലാളി യൂണിയന്‍ (എ.ഐ.ടി.യു.സി) ജില്ലാസമ്മേളനം പ്രമേയത്തിലൂടെ ആവശ്യപ്പെട്ടു.
മുഴുവന്‍ തൊഴിലുറപ്പ് തൊഴിലാളികളേയും ഇ എസ് ഐ പദ്ധതിയില്‍ ഉള്‍പ്പെടുത്തുക, തദ്ദേശ സ്വയംഭരണ സ്ഥാപനങ്ങള്‍ നിര്‍ദ്ദേശിക്കുന്ന പദ്ധതികള്‍ ഉള്‍പ്പെടുത്തുക തുടങ്ങിയ ആവശ്യങ്ങളും സമ്മേളനം ഉന്നയിച്ചു. ഭക്ഷ്യസിവില്‍സപ്ലൈസ് മന്ത്രി പി തിലോത്തമന്‍ സമ്മേളനം ഉദ്ഘാടനം ചെയ്തു. ജില്ലാ പ്രസിഡന്റ് അഡ്വ. എ അജികുമാര്‍ അധ്യക്ഷത വഹിച്ചു. സംസ്ഥാന സെക്രട്ടറി ടി ജെ ആഞ്ചലോസ് സംഘടനാ റിപ്പോര്‍ട്ടും ജില്ലാ സെക്രട്ടറി ജി പുഷ്പരാജന്‍ പ്രവര്‍ത്തന റിപ്പോര്‍ട്ടും അവതരിപ്പിച്ചു. സി പി ഐ ജില്ലാ അസിസ്റ്റന്റ് സെക്രട്ടറി പി വി സത്യനേശന്‍, ഡി പി മധു, ആര്‍ ഗിരിജ, ആര്‍ അനില്‍കുമാര്‍, ബി ഉണ്ണികൃഷ്ണപിള്ള, എസ് സനല്‍കുമാര്‍, ആര്‍ സുശീലന്‍, മണി വിശ്വനാഥ്, കുമാരി പൊന്നപ്പന്‍ എന്നിവര്‍ സംസാരിച്ചു. ആക്ടിംഗ് ജില്ലാ സെക്രട്ടറി വി പി സുനില്‍ സ്വാഗതവും ടി ഡി സുശീലന്‍ നന്ദിയും പറഞ്ഞു.
ഭാരവാഹികളായി അഡ്വ. എ അജികുമാര്‍ (പ്രസിഡന്റ്), ബി ഉണ്ണികൃഷ്ണപിള്ള (വര്‍ക്കിംഗ് പ്രസിഡന്റ്), ആര്‍ ഗിരിജ, സന്ധ്യാ ബെന്നി, ഡി രോഹിണി, ഉഷ ബാബുലാല്‍, ദീപ്തി അജയകുമാര്‍ (വൈസ് പ്രസിഡന്റുമാര്‍), വി പി സുനില്‍ (ജനറല്‍ സെക്രട്ടറി), കുമാരി പൊന്നപ്പന്‍, എസ് സനില്‍കുമാര്‍, ജയ പ്രസന്നന്‍ , ജയകുമാരി (ജോയിന്റ് സെക്രട്ടറിമാര്‍), അഡ്വ. എന്‍ പി കമലാധരന്‍ (ഖജാന്‍ജി) എന്നിവരെ തെരഞ്ഞെടുത്തു.