മാങ്കുളം: നാഷണല്‍ ഹോര്‍ട്ടികള്‍ച്ചര്‍ മിഷന്റെ സഹായത്തോടെ മാങ്കുളം പഞ്ചായത്തില്‍ നടപ്പാക്കുന്ന 'കാഡ്‌സ്' മാങ്കുളം ഓര്‍ഗാനിക് പദ്ധതിയില്‍ അംഗങ്ങളായ 341 കര്‍ഷകര്‍ക്ക് മൂന്നാംഘട്ട ജൈവ സര്‍ടിഫിക്കറ്റ് വിതരണം ചെയ്തു. മാങ്കുളം സര്‍വീസ് സഹകരണബാങ്ക് ഹാളില്‍ ചേര്‍ന്ന പരിപാടിയില്‍ പഞ്ചായത്ത് പ്രസിഡന്റ് ഷാജി മാത്യു വിതരണോദ്ഘാടനം നിര്‍വഹിച്ചു.
മാങ്കുളത്ത് 250 ഹെക്ടര്‍ സ്ഥലത്താണ് ജൈവകൃഷി ചെയ്യുന്നത്. മൂന്നാംഘട്ട സര്‍ടിഫിക്കറ്റ് ലഭിച്ച കര്‍ഷകര്‍ക്ക് ആറുമാസംകൂടി കഴിഞ്ഞാല്‍ സ്ഥിരമായി ജൈവസര്‍ടിഫിക്കറ്റ് നല്‍കും.
ചടങ്ങില്‍ കാഡ്‌സ് പ്രസിഡന്റ് ആന്റണി കണ്ടിരിക്കല്‍ അധ്യക്ഷനായി. സെക്രട്ടറി കെ വി ജോസ് സ്വാഗതം പറഞ്ഞു.