കല്‍പ്പറ്റ: വര്‍ത്തമാനകാല ഇന്ത്യന്‍ ചിന്തകരിലെ ഏറ്റവും മൗലികവും ആര്‍ജ്ജവവുമുള്ള ശബ്ദമാണ് രാമചന്ദ്രഗുഹയുടെതെന്ന് ഗ്രന്ഥശാല പ്രവര്‍ത്തകന്‍ ഇ.ജെ ജോസ് പറഞ്ഞു. കൈനാട്ടി പത്മപ്രഭാ പൊതുഗ്രന്ഥാലയത്തിന്റെ 105ാം പുസ്തക ചര്‍ച്ചയില്‍ മാതൃഭൂമി പ്രസിദ്ധീകരിച്ച രാമചന്ദ്രഗുഹയുടെ ദേശസ്‌നേഹികളും പക്ഷപാതികളും എന്ന പുസ്തകം അവതരിപ്പിച്ച് സംസാരിക്കുകയായിരുന്നു അദ്ദേഹം. സി. ദിവാകരന്‍ മോഡറേറ്ററായിരുന്നു. ടി.വി രവീന്ദ്രന്‍, സി.കെ കുഞ്ഞികൃഷ്ണന്‍, രാജു ജോസഫ്, എം. ഗംഗാധരന്‍, കോട്ടത്തറ വേലായുധന്‍, പി.എ ജലീല്‍, പ്രീത ജെ പ്രിയദര്‍ശിനി, പി.കെ ജയചന്ദ്രന്‍ സംസാരിച്ചു. നവംബര്‍ 13ന് 107ാം പുസ്തകചര്‍ച്ചയില്‍ പി.കെ രാജശേഖരന്റെ നൊസ്റ്റാള്‍ജിയ പരിസ്ഥിതി പ്രവര്‍ത്തകനായ എം. ഗംഗാധരന്‍ അവതരിപ്പിക്കും.