മീനങ്ങാടി: കൃഷ്ണഗിരി റാട്ടക്കുണ്ടില്‍ സ്വകാര്യ വ്യക്തിയുടെ കൃഷിയിടത്തില്‍ ചീട്ടുകളിച്ചുകൊണ്ടിരുന്ന ആറുപേരെ പൊലിസ് പിടികൂടി. സംഘത്തിലെ രണ്ടുപേര്‍ ഓടി രക്ഷപ്പെട്ടു. രഹസ്യ വിവരത്തെത്തുടര്‍ന്ന് മീനങ്ങാടി എസ്.ഐ അബ്ബാസലിയുടെ നേതൃത്വത്തിലുള്ള പൊലിസ് സംഘമാണ് ഇവരെ പിടികൂടിയത്. കരുവള്ളിക്കുന്ന് കച്ചേരിക്കുഴി ശശി, വാഴവറ്റ കോലംപറമ്പില്‍ ഗോപാലകൃഷ്ണന്‍, കൊളഗപ്പാറ കടക്കല്‍ വീട്ടില്‍ രാജു. മൈലമ്പാടി കേളാട്ടുവളപ്പില്‍ കരുണാകരന്‍, കമ്പളക്കാട് കുനിയംകുന്നത്ത് മൊയ്ദീന്‍, മൈലമ്പാടി നടുവളപ്പില്‍ ഇബ്രാഹീം എന്നിവരാണ് പിടിയിലായത്. ഇവരില്‍നിന്നും 30,000 രൂപയും കണ്ടെടുത്തു. എസ്.ഐ അബ്ബാസലി, അഡീഷണല്‍ എസ്.ഐ രാധാകൃഷ്ണന്‍, എ.എസ്.ഐ ബാലകൃഷ്ണന്‍, സീനിയര്‍ സി.പി.ഒ ശ്രീധരന്‍, റഫീഖ്, സലാം, പ്രമോദ്, ജോസഫ്, തുടങ്ങിയവരാണ് അന്വേഷണ സംഘത്തിലുണ്ടായിരുന്നത്.