നായ്ക്കട്ടി: ക്വാളിസ് കാറിന്റെ ടയര്‍ ഊരിത്തെറിച്ച് നിയന്ത്രണം വിട്ട് മരത്തിലിടിച്ച് അഞ്ചുപേര്‍ക്ക് പരുക്കേറ്റു. നായ്ക്കട്ടിക്ക് സമീപം മൂലങ്കാവ് 64ല്‍ വൈകിട്ട് അഞ്ചോടെയാണ് അപകടം. അപകടത്തില്‍ ഡല്‍ഹി സ്വദേശികളായ മിഥുല്‍(21), ദര്‍മഞ്ചു(22), ദുര്‍ഫു(21), കല്‍ക്കത്ത സ്വദേശി അനിമേഷ്(21), കണ്ണൂര്‍ സ്വദേശി ഫഹദ്(22) എന്നിവര്‍ക്കാണ് പരുക്കേറ്റത്.
പരുക്കേറ്റവരെ ബത്തേരി സ്വകാര്യ ആശുപത്രിയില്‍ നിന്നു പ്രാഥമിക ചികിത്സക്ക് ശേഷം കോഴിക്കോട് സ്വകാര്യ ആശുപത്രിയില്‍ പ്രവേശിപ്പിച്ചു. ഇവര്‍ ബത്തേരിയില്‍ നിന്നും ബംഗളൂരുവിലേക്ക് പോവുകയായിരുന്നു. ബാംഗ്ലൂര്‍ അര്‍.വി കോളജ് വിദ്യാര്‍ഥികളാണ്.