വണ്ടിത്താവളം : നിരോധിത ആഫ്രിക്കന്‍ മുഷി വളര്‍ത്തല്‍ കേന്ദ്രങ്ങള്‍ക്ക് പഞ്ചായത്ത് അധികൃതരുടെ പരോക്ഷ പിന്തുണയെന്ന് ആരോപണം. പെരുമാട്ടി, വടകരപതി, എരുത്തേമ്പതി, കൊഴിഞ്ഞാമ്പാറ, നെല്ലേപ്പിള്ളി എന്നി പഞ്ചായത്തുകളിലാണ് ഗ്രാമപഞ്ചായത്ത് ഉദ്യോഗസ്ഥരുടെയും പ്രാദേശിക രാഷ്ട്രീയപാര്‍ട്ടികളുടെയും പിന്തുണയോടെ അനധികൃത ആഫ്രിക്കന്‍ മുഷിവളര്‍ത്തുകേന്ദ്രങ്ങള്‍ പ്രവര്‍ത്തിക്കുന്നത്.
മാംസങ്ങളുടെ അവശിഷ്ടങ്ങള്‍മാത്രം ഭക്ഷിച്ചുവളരുന്ന ആഫ്രിക്കന്‍ മുഷി കേന്ദ്രങ്ങള്‍ക്കെതിരെ കൊഴിഞ്ഞാമ്പാറയിലും വേലന്താവളത്തും നിരവധി പ്രതിഷേധങ്ങള്‍ ഉണ്ടായിട്ടും ഇവക്കെതിരെ നടപടിയെടുക്കുവാന്‍ ആരോഗ്യവകുപ്പിനും പഞ്ചായത്ത് സെക്രട്ടറിമാര്‍ക്കും സാധിക്കാത്തത് ഇക്കാരണങ്ങള്‍ കൊണ്ടാണെന്ന് നാട്ടുകാര്‍ ആരോപിക്കുന്നു.
ആഫ്രിക്കന്‍ മുഷി വളര്‍ത്തുകേന്ദ്രങ്ങള്‍ അനുദിനം വര്‍ധിച്ചുവരുന്നതിന് കാരണവും ഈ പിന്തുണയുള്ളതുകൊണ്ടാണ്.