മാഡ്രിഡ്: ജര്‍മന്‍ താരം ടോണി ക്രൂസിനു റയല്‍ മാഡ്രിഡില്‍ പുതിയ കരാര്‍. 2014ലെ ലോകകപ്പ് വിജയത്തിനു പിന്നാലെ റയലിലെത്തിയ ജര്‍മന്‍ മധ്യനിര താരത്തിന്റെ കരാര്‍ കാലാവധി രണ്ടു വര്‍ഷത്തേക്ക് കൂടിയാണ് ഇപ്പോള്‍ നീട്ടിയിരിക്കുന്നത്. പുതിയ കരാറനുസരിച്ച് 2022വരെ താരം റയലില്‍ കളിക്കും. പുതിയ കരാറനുസരിച്ച് ലഭിക്കുന്നത് 20കോടി യൂറോയാണ്. ഏറ്റവും കൂടുതല്‍ പ്രതിഫലം വാങ്ങുന്ന ജര്‍മന്‍ താരമായും ഇതോടെ ക്രൂസ് മാറും.