കല്‍പ്പറ്റ: ആരോഗ്യ വകുപ്പിന്റെ ആഭിമുഖ്യത്തില്‍ ലോക കാഴ്ചദിനം വിവിധ പരിപാടികളോടെ ആചരിച്ചു. ജില്ലാതല ഉദ്ഘാടനം കല്‍പ്പറ്റ എസ്.കെ.എം.ജെ ഹൈസ്‌കൂളില്‍  കല്‍പ്പറ്റ നഗരസഭാ ചെയര്‍പേഴ്‌സണ്‍ ബിന്ദു ജോസ് നിര്‍വഹിച്ചു. നഗരസഭ ആരോഗ്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ അജിത അധ്യക്ഷത വഹിച്ചു. ജില്ലാ മെഡിക്കല്‍ ഓഫിസര്‍ ആശാദേവി മുഖ്യ പ്രഭാഷണം നടത്തി. എന്‍.എച്ച്.എം ജില്ലാ പ്രോഗ്രാം മാനേജര്‍ ഡോ.ബി അഭിലാഷ്, നഗരസഭാ ക്ഷേമകാര്യ സ്റ്റാന്‍ഡിങ് കമ്മിറ്റി ചെയര്‍മാന്‍ പി.പി ആലി,  നഗരസഭ ഡിവിഷന്‍ കൗണ്‍സിലര്‍ അജി ബഷീര്‍, എസ്.കെ.എം.ജെ ഹൈസ്‌കൂള്‍ ഹെഡ്മാസ്റ്റര്‍ വിജയരാജന്‍, ഡോ.നീതു, ഡോ.കെ.എസ് അജയന്‍, ബേബി നാപ്പള്ളി, ഇ.എന്‍ സുഷമ, ഹംസ ഇസ്മാലി, ആര്‍. അജീഷ്‌കുമാര്‍ എന്നിവര്‍ സംസാരിച്ചു. ഹൈസ്‌കൂള്‍ വിദ്യാര്‍ഥികള്‍ക്കായി ക്വിസ് മത്സരവും നടത്തി.