കണ്ണൂര്‍: കണ്ണൂര്‍ സിറ്റിയില്‍ കൊല്ലപ്പെട്ട കണ്ണൂര്‍ മണ്ഡലം സെക്രട്ടറി ഫാറൂഖിന്റെ മരണം രാഷ്ട്രീയവത്കരിക്കരുതെന്നു കുക്കിങ് വര്‍ക്കേഴ്‌സ് ഫെഡറേഷന്‍. ജില്ലയില്‍ അടുത്തിടെ നടന്ന രാഷ്ട്രീയ കൊലപാതകങ്ങളില്‍ ഉള്‍പ്പെടുത്തി ഫാറൂഖിന്റെ മരണത്തെ ലഘൂകരിക്കരുതെന്നും കൊലപാതകത്തിന്റെ വസ്തുത വെളിച്ചത്തുകൊണ്ടുവരണമെന്നും സംസ്ഥാന പ്രസിഡന്റ് എം.എം.കെ സിദ്ദീഖ്, സെക്രട്ടറി മുജീബ് പാലക്കല്‍, ട്രഷറര്‍ എം.പി രത്‌നാകരന്‍, ഹനീഫ ധര്‍മടം, മുഹമ്മദലി കണ്ണൂര്‍ എന്നിവര്‍ ആവശ്യപ്പെട്ടു. ഇക്കാര്യം ഉന്നയിച്ച് മുഖ്യമന്ത്രിക്കും ഡി.ജി.പിക്കും അപേക്ഷ നല്‍കുമെന്നും ഭാരവാഹികള്‍ വ്യക്തമാക്കി.