കാസര്‍കോട്: നിയന്ത്രണം വിട്ട കാര്‍ വസ്ത്രക്കടയിലേക്കു ഇടിച്ചു കയറി രണ്ടു പേര്‍ക്കു പരുക്കേറ്റു. കടയിലെ ജീവനക്കാരനും കാര്‍ ഡ്രൈവര്‍ക്കുമാണ് നിസ്സാര പരുക്കേറ്റത്.
ഇന്നലെ രാവിലെ പത്തരയോടെ കാസര്‍കോട് പഴയ പ്രസ് ക്ലബ് ജങ്ഷനു സമീപമാണ് അപകടം.
റോഡരികില്‍ നിര്‍ത്തിയ കാര്‍ സ്റ്റാര്‍ട്ട് ചെയ്യുന്നതിനിടെ നിയന്ത്രണം വിട്ടു ഔട്ട്ഫിറ്റ് വസ്ത്രക്കടയിലേക്ക് ഇടിച്ചു കയറുകയായിരുന്നു. കാര്‍ വരുന്നത് കണ്ട ജീവനക്കാര്‍ ഓടിമാറി. കടയുടെ മുന്‍ഭാഗത്തെ ഗ്ലാസുകള്‍ തകര്‍ന്നു.