കോട്ടയം: നവംമ്പര്‍ 10,11,12 തിയതികളിലായി കോഴിക്കോട് നടക്കുന്ന മുസ്‌ലിം യൂത്ത്‌ലീഗ് സംസ്ഥാന സമ്മേളന പ്രചാരണാര്‍ഥം ദക്ഷിണ മേഖല യുവസംഗമം നാളെ തിരുവനന്തപുരം നന്ദാവനത്തുള്ള പാണക്കാട് ഹാളില്‍ ചേരും. വൈകീട്ട് മൂന്നിന് നടക്കുന്ന യുവസംഗമം പ്രതിപക്ഷ ഉപനേതാവ് പി.കെ കുഞ്ഞാലിക്കുട്ടി ഉദ്ഘാടനം ചെയ്യും.
മുസ്‌ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ്, വി.കെ ഇബ്രാഹിംകുഞ്ഞ് എം.എല്‍.എ, ടി.എ. അഹമ്മദ് കബീര്‍ എം.എല്‍.എ, കെ.എം ഷാജി എം.എല്‍.എ, അഡ്വ. എന്‍. ഷംസുദ്ദീന്‍ എം.എല്‍.എ, മുസ്‌ലിം ലീഗ് സംസ്ഥാന വൈസ് പ്രസിഡന്റ് പി.എച്ച്. അബ്ദുള്‍ സലാം ഹാജി, സെക്രട്ടറി ടി.എം സലീം, ജോയന്റ് സെക്രട്ടറി കെ.എസ്. ഹംസ പ്രസംഗിക്കും. യുവസംഗമത്തില്‍ തൃശൂര്‍ മുതല്‍ തിരുവനന്തപുരം വരെയുള്ള ജില്ലകളിലെ മുഴുവന്‍ ജില്ലാ, മണ്ഡലം ഭാരവാഹികളും സംബന്ധിക്കും.