ഉടുമ്പന്നൂര്‍: സാമൂഹിക നവോഥാനത്തിന് പ്രബുദ്ധരാവുക എന്ന മുദ്രാവാക്യമുയര്‍ത്തി എം.എസ്.എഫ് ഉടുമ്പന്നൂര്‍ പഞ്ചായത്ത് കണ്‍വന്‍ഷന്‍ സംഘടിപ്പിച്ചു.
ഉടുമ്പന്നൂര്‍ റോസ് ഓഡിറ്റോറിയത്തില്‍ നടന്ന കണ്‍വന്‍ഷനില്‍ ജനറല്‍ സെക്രട്ടറി അബിന്‍ റഷീദ് അധ്യക്ഷത വഹിച്ചു. എം.എസ്.എഫ് ജില്ലാ പ്രസിഡന്റ് കെ.എം അന്‍വര്‍ യോഗം ഉദ്ഘാടനം ചെയ്തു.
യൂത്ത് ലീഗ് ജില്ലാ പ്രസിഡന്റായി തിരഞ്ഞെടുക്കപ്പെട്ട ടി.കെ. നവാസിനും എം.എസ്.എഫ് സംസ്ഥാന സെക്രട്ടറിയായി തിരഞ്ഞെടുക്കപ്പെട്ട സല്‍മാന്‍ ഹനീഫിനും പഞ്ചായത്ത് എം.എസ്.എഫ് കമ്മിറ്റി സ്വീകരണം നല്‍കി. എം.എസ്.എഫ് ജില്ലാ ട്രഷറര്‍ മുഹമ്മദ് ഷെഹന്‍ഷാ മുഖ്യപ്രഭാഷണം നടത്തി. നിയോജക മണ്ഡലം ജനറല്‍ സെക്രട്ടറി സല്‍മാന്‍ എസ്.എ., യൂത്ത് ലീഗ് പഞ്ചായത്ത് പ്രസിഡന്റ് പി.എ. കബീര്‍, ജനറല്‍ സെക്രട്ടറി ഷാനവാസ് വി.എസ്.,ഇ.എ. ഷാനവാസ്, എം.എസ്.എഫ് പഞ്ചായത്ത് ട്രഷറര്‍ തൗഫീഖ് റഷീദ്, ഭാരവാഹികളായ സുഹൈല്‍ സുബൈര്‍, അലി അസ്ഹര്‍, ആഷിഖ് നൗഷാദ്, മിദിലാജ് എന്നിവര്‍ സംസാരിച്ചു.