കരുനാഗപ്പള്ളി: കഴിഞ്ഞ തെരഞ്ഞെടുപ്പില്‍ 'എല്‍.ഡി.എഫ് വരും എല്ലാം ശരിയാകും' എന്ന മുദ്രാവാക്യം എഴുതി
നല്‍കിയ ആളിനെ കണ്ടെത്തി നോബല്‍ സമ്മാനം നല്‍കണമെന്ന് ഡി.സി.സി പ്രസിഡന്റ് കൊടിക്കുന്നില്‍ സുരേഷ് എം.പി.
തഴവയില്‍ സതേണ്‍ മോട്ടോര്‍ ആന്റ് അദര്‍ വര്‍ക്കേഴ്‌സ് യൂനിയന്‍(ഐ.എന്‍.ടി.യു.സി) സംഘടിപ്പിച്ച പൊതുസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
ഐ.എന്‍.ടി.യു.സി റീജിയണല്‍ പ്രസിഡന്റ് ചിറ്റുമീല നാസര്‍ അധ്യക്ഷനായി. സംസ്ഥാന വൈസ് പ്രസിഡന്റ് കൈതവനത്തറ ശങ്കരന്‍കുട്ടി ഐഡന്റിറ്റികാര്‍ഡ് വിതരണവും യൂത്ത് കോണ്‍ഗ്രസ് സംസ്ഥാന വൈസ് പ്രസിഡന്റ് സി.ആര്‍ മഹേഷ് ചികിത്സാ സഹായ വിതരണവും നിര്‍വഹിച്ചു. എം.എ. ആസാദ്, ചക്കാലത്തറ എസ് .മണിലാല്‍, രമാഗോപാലകൃഷ്ണന്‍, ഷിബു എസ്. തൊടിയൂര്‍, സി.ഒ കണ്ണന്‍, പാവുമ്പ സുനില്‍, ബിജു പഞ്ചജന്യം, യൂനിറ്റ് രക്ഷാധികാരി തോപ്പില്‍ ഷിഹാബ്, സെക്രട്ടറി പുളിക്കല്‍ നാസര്‍ നന്ദിയും പറഞ്ഞു.