കരുനാഗപ്പള്ളി: ഗ്രന്ഥാലയത്തിലെ പുസ്തക നിധിയിലേക്ക് പുസ്തക ശേഖരവുമായി വിദ്യാര്‍ഥികളെത്തി.
കരുനാഗപ്പള്ളി ബോയിസ് ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ്.വിദ്യാര്‍ഥികളാണ് തങ്ങള്‍ ശേഖരിച്ച പുസ്തകങ്ങളുമായെത്തിയത്. പടനായര്‍ കുളങ്ങര
വടക്ക് മാനവീയം ലൈബ്രറിയിലേക്കാണ് പുസ്തകങ്ങള്‍ നല്‍കിയത്.
ഇതിനോടനുബന്ധിച്ച് നടന്ന യോഗം ആര്‍.രാമചന്ദ്രന്‍ എം.എല്‍.എ. ഉദ്ഘാടനം ചെയ്തു. സ്‌കൂള്‍ പി.ടി.എ. പ്രസിഡന്റ് സുനില്‍കുമാര്‍ അധ്യക്ഷനായി. സ്‌കൂള്‍ പ്രിന്‍സിപ്പാള്‍ ബിന്ദു ആര്‍ ശേഖര്‍ പുസ്തകങ്ങള്‍ കൈമാറി.നഗരസഭാ കൗണ്‍സിലര്‍ സുപ്രഭ പ്രസന്നന്‍, ഗ്രന്ഥശാല പ്രസിഡന്റ് എസ്.അനില്‍കുമാര്‍, എസ്.ഗോപിദാസ്, കെ.കെ.ബഷീര്‍, കെ.ആര്‍.വിശ്വംഭരന്‍ എന്നിവര്‍ സംസാരിച്ചു. ഗ്രന്ഥശാല സെക്രട്ടറി എ.സജീവ് സ്വാഗതവും എന്‍.എസ്.എസ്. വോളന്റിയര്‍ ചിപ്പി ചന്ദ്രന്‍ നന്ദിയും പറഞ്ഞു.