മക്ക: ഇന്നലെ രാവിലെ നടക്കേണ്ടിയിരുന്ന വിശുദ്ധ കഅ്ബ കഴുകല്‍ ചടങ്ങ് ഇന്ന് നടക്കുമെന്ന് സഊദി ഔദ്യോഗിക വാര്‍ത്താ ഏജന്‍സിയായ സൗദി പ്രസ് ഏജന്‍സി അറിയിച്ചു. ഹറം കാര്യാലയ മേധാവി ഷെയ്ഖ് ഡോ. അബ്ദുറഹിമാന്‍ ബിന്‍ അബ്ദുല്‍ അസീസ് അല്‍ സുദൈസാണ് ഇക്കാര്യം അറിയച്ചതെന്ന് എസ്.പി.എ റിപ്പോര്‍ട്ട് ചെയ്തു.
മുഹര്‍റം 15 ആയ ഇന്നലെയായിരുന്നു ചടങ്ങ് നടക്കേണ്ടിയിരുന്നത്. സാങ്കേതിക പ്രശ്‌നങ്ങള്‍ കാരണമാണ് ചടങ്ങ് മാറ്റിയത്. ഇന്ത്യയില്‍ നിന്ന് സമസ്ത ഉപാധ്യക്ഷനും മുസ്്‌ലിം ലീഗ് പ്രസിഡന്റുമായ പാണക്കാട് സയ്യിദ് ഹൈദരലി ശിഹാബ് തങ്ങളും ചടങ്ങില്‍ പങ്കെടുക്കുന്നുണ്ട്.