തിരുവനന്തപുരം: മെഡിക്കല്‍ കോളജ്, ആര്‍.സി.സി, ശ്രീചിത്ര, എസ്.എ.ടി. ആശുപത്രി എന്നിവിടങ്ങളില്‍ ചികിത്സയിലെത്തുന്ന രോഗികള്‍ക്ക് കൈത്താങ്ങാവാന്‍ മെഡിക്കല്‍ വിദ്യാഭ്യാസ വകുപ്പിലെ ജീവനക്കാര്‍ തുടങ്ങിയ ഒരുമ വാട്‌സാപ്പ് ഗ്രൂപ്പിന്റെ നാലാമത് പ്രതിമാസ ധനസഹായ വിതരണം മെഡിക്കല്‍ കോളജില്‍ നടത്തി.
സി.പി.എം. ജില്ലാ സെക്രട്ടറി ആനാവൂര്‍ നാഗപ്പന്‍ ഉദ്ഘാടനം ചെയ്തു. അശോക് പി.എസ്. അധ്യക്ഷനായി. എച്ച്.ഡി.എസ്. മെമ്പര്‍ ഡി.ആര്‍. അനില്‍, ഒരുമ കോ-ഓര്‍ഡിനേറ്റര്‍ വികാസ് ബഷീര്‍, സന്തോഷ്‌കുമാര്‍ എന്നിവര്‍ പങ്കെടുത്തു.