പോത്തന്‍കോട്: സ്‌കൂള്‍ കോളജ് പരിസരങ്ങളില്‍ കഞ്ചാവ് വില്‍പന നടത്തി വരുന്ന സംഘത്തിലെ പ്രധാനിയെ മംഗലപുരം പൊലിസ് അറസ്റ്റ് ചെയ്തു.
ആഴൂര്‍ ശാസ്തവട്ടം പെരുംകുഴി ചിലമ്പില്‍ ചരുവിള വീട്ടില്‍ സുജിത്താ(25) ണ് പിടിയിലായത്. ഇയാളില്‍ നിന്ന് അര കിലോ കഞ്ചാവ് കണ്ടെടുത്തു.
അന്യ സംസ്ഥാനങ്ങളില്‍ നിന്നും കിലോ കണക്കിനു കഞ്ചാവ് കൊണ്ട് വന്നു ചെറുകിട സംഘങ്ങള്‍ക്കും, അവര്‍ വഴി വിദ്യാര്‍ഥികള്‍ക്ക് എത്തിക്കുകയുമായിരുന്നു ഇയാളുടെ പതിവ്. ഇയാള്‍ നേരത്തെയും അറസ്റ്റിലായിട്ടുണ്ട്.
പോത്തന്‍കോട് സി.ഐ ഷാജി,മംഗലപുരം എസ്.ഐ.ബിനീഷ് ലാല്‍,എ.എസ്.ഐ.മാരായ ഹരി, ഗിരീഷ്, പൊലിസുകാരായ അജിത്ത്, സൂരജ്, മനോജ്, ബിജു, മനോജ് ഷാ എന്നിവരടങ്ങുന്ന സംഘമാണ് പ്രതിയെ പിടികൂടിയത്.