ആനക്കര: എല്‍.പി വിഭാഗത്തിന് പഞ്ചായത്ത് തല കായിക ക്ഷമതാ മത്സരം. സബ് ജില്ലാ തലത്തില്‍ എല്‍.പി വിഭാഗം മത്സരം മികവുറ്റതാക്കും. ആദ്യമായിട്ടാണ് എല്‍.പി വിഭാഗത്തിനായി പഞ്ചായത്ത് തലത്തില്‍ കായിക മത്സരം നടക്കുന്നത്. നേരത്തെ അതത് സ്‌കൂളില്‍ നിന്ന് വിജയിക്കുന്ന ഒന്നും രണ്ടും സ്ഥാനക്കാരാണ് സബ് ജില്ലാ മത്സരത്തില്‍ മത്സരിക്കാനായി കൊണ്ടുപോയിരുന്നത്. ഇത്തരത്തില്‍ സബ് ജില്ലാ തലത്തില്‍ മത്സരം നടക്കുമ്പോള്‍ ഉണ്ടാക്കുന്ന ബുദ്ധിമുട്ട് ഒഴിവാക്കാനാണ് പഞ്ചായത്ത് തലത്തില്‍ മത്സരം നടത്തിയ അതില്‍ നിന്നുളള ഒന്നും രണ്ടും സ്ഥാനക്കാരെ സബ്ജില്ലാ തലത്തില്‍ മത്സരിക്കാന്‍ അര്‍ഹതനേടുന്നത്. ഇത്തരത്തിലുളള പഞ്ചായത്ത് തല മത്സരം ഇന്ന് ആനക്കര ഗവ ഹയര്‍ സെക്കന്‍ഡറി സ്‌കൂളില്‍ പൂര്‍ത്തിയായി.
നേരത്തെ ചുരുക്കം ചില ജില്ല കളില്‍ ഇത്തരത്തിലുളള മത്സരങ്ങള്‍ നടത്തിയ േേശഷമാണ് സബ് ജില്ലാ തലത്തില്‍ മത്സരം അര്‍ഹതനേടിയിരുന്നത് ആദ്യമായിട്ടാണ് പാലക്കാട് ജില്ലയില്‍ ഇത്തരത്തിലുളള മത്സരം നടത്തുന്നത്.എല്‍.പി വിഭാഗത്തിന് ജില്ലാ തല മത്സരമില്ലാത്തതിനാല്‍ ഇത്തവണ സബ്ജില്ലയില്‍ മത്സരിക്കുന്നത് പഞ്ചായത്തില്‍ നിന്ന് തിരെഞ്ഞടുത്ത മികച്ച താരങ്ങളായിരിക്കുമെന്ന കാര്യത്തില്‍ തര്‍ക്കമില്ല.
തൃത്താല സബ്ജില്ലയിലെ ഏഴ് പഞ്ചായത്തുകളിലാണ് മത്സരം പൂര്‍ത്തിയാക്കിയത്. സി.സി.കൃഷ്ണകുമാര്‍ ഉദ്ഘാടനം ചെയ്തു. കെ. സതീഷന്‍ അധ്യക്ഷനായി. കെ. പ്രസാദ്, പി.ടി. രവീന്ദ്രനാഥ്, കാമരാജ് പ്രസംഗിച്ചു. തൃത്താല സബ്ജില്ലാ കായിക മത്സരം കുമരനല്ലൂര്‍ ഗവ. ഹയര്‍ സെക്കന്‍ഡറി സ്‌കൂളില്‍ അടുത്ത മാസം 2,3 ദിവസങ്ങളില്‍ നടക്കും.