പേരാമ്പ്ര: ഉപജില്ലാ ശാസ്‌ത്രോത്സവത്തിന് കൂത്താളി എ.യു.പി സ്‌കൂള്‍ ഒരുങ്ങുന്നു. പ്രൈമറി മുതല്‍ ഹയര്‍ സെക്കന്‍ഡറി വരെയുള്ള നൂറോളം സ്‌കൂളില്‍ നിന്നായി ആയിരത്തോളം ശാസ്ത്ര പ്രതിഭകള്‍ മേളയില്‍  പങ്കെടുക്കും.
നവംബര്‍ രണ്ടിന് നടക്കുന്ന മേളയുടെ വിജയകരമായ നടത്തിപ്പിനായി 101 അംഗ  സ്വാഗതസംഘം രൂപീകരിച്ചു.യോഗം കൂത്താളി ഗ്രാമപഞ്ചായത്ത് പ്രസിഡന്റ് കെ.പി അസ്സന്‍കുട്ടി ഉദ്ഘാടനം ചെയ്തു.
വാര്‍ഡ് മെമ്പര്‍ ഷിജു പുല്ലോട്ട് അധ്യക്ഷം വഹിച്ചു. പഞ്ചായത്ത് പ്രസിഡന്റ് ചെയര്‍മാനും സ്‌കൂള്‍ പ്രധാനാധ്യാപകന്‍ എന്‍.നിര്‍മ്മല്‍കുമാര്‍ ജനറല്‍ കണ്‍വീനറും, ഏ.ഇ.ഒ സുനില്‍ കുമാര്‍ അരീക്കാംവീട്ടില്‍ ഖജാന്‍ജിയുമായിട്ടാണ് കമ്മിറ്റി രൂപീകരിച്ചത്.
ജനപ്രതിനിധികള്‍,വിവിധ രാഷ്ട്രീയ പാര്‍ട്ടി പ്രതിനിധികള്‍, വൈസ് ചെയര്‍മാന്‍മാരും ജോയിന്റ്  കണ്‍വീനര്‍മാരുമായി.ഗ്രാമപഞ്ചായത്തംഗങ്ങളായ കെ.എം പുഷ്പ, ബിജി കണ്ണിപ്പൊയില്‍, ഇ.ടി  സത്യന്‍, ബിന്ദു കെ.എം, രാധ പി,രാഷ്ട്രീയ പാര്‍ട്ടി പ്രതിനിധികളായ കെ.നാരായണന്‍ സി.ടി  ദാമോദരന്‍ നായര്‍, മഹിമ രാഘവന്‍ നായര്‍.കെ.കെ. ചെക്കോട്ടി, ടി.സി രാമര്‍ നമ്പ്യാര്‍,
കെ.എം  ഗോവിന്ദന്‍, അധ്യാപക പ്രതിനിധികളായ ജയപ്രകാശന്‍, കെ.ജി രാമനാരായണന്‍, റിട്ട.അധ്യാപകന്‍,വി രാമചന്ദ്രന്‍,സി.പി പ്രേമന്‍, വത്സന്‍ വെള്ളിയൂര്‍,പി.ടി.എ പ്രസിഡന്റ് വി.കെ ബാബു, സ്റ്റാഫ് സെക്രട്ടറി പി. അച്ചുതന്‍, പി. ആദര്‍ശ്,ഹെഡ്മാസ്റ്റര്‍ എന്‍. നിര്‍മ്മല്‍കുമാര്‍,ആര്‍.കെ.മുനീര്‍ സംസാരിച്ചു.