കോഴിക്കോട്: കാലിക്കറ്റ് പ്രസ്‌ക്ലബിന്റെ ആഭിമുഖ്യത്തില്‍ വിവിധ പത്രസ്ഥാപനത്തിലെ 38 ഫോട്ടോഗ്രാഫര്‍മാരുടെ വാര്‍ത്താചിത്രങ്ങള്‍ ഉള്‍പ്പെടുത്തി നടത്തിയ 'ടര്‍ബുലന്റ് ലെന്‍സ് ' പ്രദര്‍ശനം സമാപിച്ചു. ലളിതകലാ അക്കാദമി ആര്‍ട്ട് ഗാലറിയിലാണ് അഞ്ചുദിവസം നീണ്ടുനിന്ന പ്രദര്‍ശനം ഒരുക്കിയത്. സമാപനസമ്മേളനം മേയര്‍ തോട്ടത്തില്‍ രവീന്ദ്രന്‍ ഉദ്ഘാടനം ചെയ്തു. മുതിര്‍ന്ന ഫോട്ടോഗ്രാഫര്‍മാരായ ചോയിക്കുട്ടി, പി. രാമചന്ദ്രന്‍, പി. വിശ്വനാഥ്, പി. മുസ്തഫ, വി. ആലി, ജയിംസ് ആര്‍പ്പൂക്കര എന്നിവരെ ചടങ്ങില്‍ ആദരിച്ചു.
പ്രദര്‍ശന ചിത്രങ്ങളടങ്ങിയ ബ്ലോഗിന്റെ രമഹശരൗുേവീീേ.െയഹീഴുെീ.േശി പ്രകാശനവും ചടങ്ങില്‍ നടന്നു. മേയറും ആദരം ഏറ്റുവാങ്ങിയ ഫോട്ടോഗ്രാഫര്‍മാരും ചേര്‍ന്നാണ് പ്രകാശനം നിര്‍വഹിച്ചത്. 250ഓളം ഫോട്ടോകളാണ് ബ്ലോഗിലുണ്ടാകുക.
ജില്ലയിലെ സ്‌കൂളുകളിലേക്ക് ചിത്രങ്ങള്‍ പ്രദര്‍ശനത്തിനായി വിട്ടുതരുമെന്ന് ഭാരവാഹികള്‍ അറിയിച്ചു. 'ഓണ്‍ ദി സ്‌പോട്ട് ' ഫോട്ടോഗ്രാഫി മത്സരത്തില്‍ വിജയിച്ച എന്‍.പി ജയന്‍ സ്‌കൂള്‍ ഓഫ് ഫോട്ടോ ജേണലിസത്തിലെ വിദ്യാര്‍ഥി കെ. വിശ്വജിത്തിന് മേയര്‍ സമ്മാനം നല്‍കി.
പ്രസ്‌ക്ലബ് പ്രസിഡന്റ് കമാല്‍ വരദൂര്‍ അധ്യക്ഷനായി. പ്രസ്‌ക്ലബ് വൈസ് പ്രസിഡന്റ് ഇ.പി മുഹമ്മദ്, സംഘാടക സമിതി ജനറല്‍ കണ്‍വീനര്‍ രാജേഷ് മേനോന്‍, റസല്‍ ഷാഹുല്‍, കെ.എസ് പ്രവീണ്‍കുമാര്‍ പ്രസംഗിച്ചു.