ഇരിട്ടി:സമസ്ത മേഖലകളിലും നമ്മള്‍ ഭൂതകാലത്തെ മറക്കുകയും പകരം കക്ഷിരാഷ്ട്രീയത്തിന്റെ വൈരൂപ്യം കലര്‍ന്ന സംസ്‌കാരം സ്വീകരിക്കുകയും ചെയ്തതായി പ്രശസ്ത എഴുത്തുകാരന്‍ ശിഹാബുദ്ദീന്‍ പൊയ്ത്തും കടവ് പറഞ്ഞു.
നളന്ദ കലാ സാഹിത്യ വേദിയുടെ ആഭിമുഖ്യത്തില്‍ ഇരിട്ടിയില്‍ നടന്ന രണ്ടണ്ട് പുസ്തകങ്ങളുടെ പ്രകാശന ചടങ്ങ് വിര്‍വഹിച്ച് സംസാരിക്കുകയായിരുന്നു അദ്ദേഹം.
ചടങ്ങില്‍ ഹനീഫ ഇരിട്ടി എഴുതിയ ഇരിട്ടി പാലം എന്ന കഥാസമാഹാരം നോവലിസ്റ്റ് ബിനോയ് തോമസിനും ഷാജു പാറക്കല്‍ എഴുതിയ സുമേതയുടെ ഓര്‍മയ്ക്ക്  എന്ന കഥാസമാഹാരം കഥാകൃത്ത് ബാബു ജേക്കബ്ബ് കോളിക്കടവിനും നല്‍കി പ്രകാശനം ചെയ്തു. എം ബാബു അധ്യക്ഷനായി. മുസ്തഫ കീത്തടത്ത്, വിന്‍സന്റ് പീറ്റര്‍ എന്നിവര്‍ പുസ്തക പരിചയം നടത്തി. പി.ജെ ജേക്കബ്, മനോജ് കാട്ടാമ്പള്ളി, രജനി ഗണേഷ്, ശ്രീനിവാസന്‍ എടക്കാനം, ജയേഷ പായം എന്നിവര്‍ സംസാരിച്ചു.