മട്ടന്നൂര്‍ (കണ്ണൂര്‍): കോടതി ഉത്തരവ് ലംഘിച്ച് സ്വന്തം തീരുമാനത്തില്‍ മെഡിക്കല്‍ പ്രവേശനം നടത്തിയ കണ്ണൂര്‍ (അഞ്ചരക്കണ്ടി) മെഡിക്കല്‍ കോളജിലേക്ക് യൂത്ത് കോണ്‍ഗ്രസ് പ്രവര്‍ത്തകര്‍ മാര്‍ച്ച് നടത്തി. കോളജ് കവാടത്തില്‍ മാര്‍ച്ച് പൊലിസ് തടഞ്ഞതിനെ തുടര്‍ന്ന് പ്രവര്‍ത്തകര്‍ കവാടം ഉപരോധിച്ചു. ഡി.സി.സി സെക്രട്ടറി മാര്‍ട്ടിന്‍ ജോര്‍ജ് ഉദ്ഘാടനം ചെയ്തു.

റിജീല്‍ മാക്കുറ്റി അധ്യക്ഷത വഹിച്ചുതുടര്‍ന്ന് പൊലിസുമായി ഉണ്ടായ ഉന്തിലും തള്ളിലും നിരവധി പേര്‍ക്ക് പരുക്കേറ്റു. ഇവരെ കണ്ണൂര്‍ ജില്ലാ ആശുപത്രിയില്‍ പ്രവേശിപ്പിച്ചു. മുന്‍ മന്ത്രി കെ. സുധാകരന്‍ ഡി.സി.സി പ്രസിഡന്റ് കെ. സുരേന്ദ്രന്‍ എന്നിവര്‍ പരിക്കേറ്റവരെ സന്ദര്‍ശിച്ചു.