മലപ്പുറം: പ്രൈമറി കോ-ഓപ്പറേറ്റീവ് അഗ്രികള്‍ച്ചറല്‍ ആന്‍ഡ് റൂറല്‍ ഡവലപ്‌മെന്റ് ബാങ്കുകളിലെ ജീവനക്കാരുടെ സംഘടനയായ ആള്‍ കേരള പ്രൈമറി കോ-ഓപ്പറേറ്റീവ് അഗ്രീകള്‍ച്ചറല്‍ ആന്‍ഡ് റൂറല്‍ ഡവലപ്പ്‌മെന്റ് ബാങ്ക് എംപ്ലോയീസ് അസോസിയേഷന്റെ സംസ്ഥാന സമ്മേളനം തിരൂര്‍ ആര്‍.പ്രസന്നകുമാര്‍ നഗരില്‍ 22, 23 തീയതികളിലായി നടക്കും.
22നു രാവിലെ പത്തിനു ഗതാഗത മന്ത്രി എ.കെ ശശീന്ദ്രന്‍ ഉദ്ഘാടനം ചെയ്യും.
തുടര്‍ന്നു നടക്കുന്ന സാംസ്‌കാരിക സമ്മേളനം തുറമുഖ വകുപ്പു മന്ത്രി കടന്നപ്പള്ളി രാമചന്ദ്രന്‍ ഉദ്ഘാടനം ചെയ്യും. വൈകുന്നേരം നാലിനു ജീവനക്കാരുടെ പ്രകടനം നടക്കും. 5.30നു നടക്കുന്ന പൊതുസമ്മേളനം തദ്ദേശ സ്വയംഭരണ മന്ത്രി കെ.ടി ജലീല്‍ ഉദ്ഘാടനം ചെയ്യും.
23 നു രാവിലെ പത്തിനു തുടങ്ങുന്ന പ്രതിനിധി സമ്മേളനം ഇ.ടി മുഹമ്മദ് ബഷീര്‍ എംപി ഉദ്ഘാടനം ചെയ്യും. 11.30ന് ട്രേഡ് യൂനിയന്‍ സമ്മേളനം മുന്‍ മന്ത്രി ആര്യാടന്‍ മുഹമ്മദ് ഉദ്ഘാടനം ചെയ്യും.
ഉച്ചയ്ക്കു ശേഷം സംഘടനാ സമ്മേളനം നടക്കും.
വാര്‍ത്താസമ്മേളനത്തില്‍ സംസ്ഥാന പ്രസിഡന്റ് അഡ്വ. സി.കെ ഷാജിമോന്‍, ജനറല്‍ സെക്രട്ടറി വൈ.എം.സി ചന്ദ്രശേഖരന്‍, ട്രഷറര്‍ നളിനാക്ഷന്‍, യു.കെ ദാമോദരന്‍, പി രാജന്‍, കെ.നജ്മുദ്ദീന്‍, കെ.നിസാര്‍ എന്നിവര്‍ പങ്കെടുത്തു.