തവനൂര്‍:  മലപ്പുറം ജില്ലാ അത്‌ലറ്റിക്‌സ് അസോസിയേഷന്റെ നേതൃത്വത്തില്‍ കാലിക്കറ്റ് യൂനിവേഴ്‌സിറ്റി സ്റ്റേഡിയത്തില്‍ സമാപിച്ച ജില്ലാ അത്‌ലറ്റിക് മീറ്റില്‍ 1088.5 പോയിന്റുകള്‍ നേടി ഒന്‍പതാം തവണയും ചാംപ്യന്‍മാരായ  കടകശ്ശേരി ഐഡിയല്‍ ഇംഗ്ലീഷ് സ്‌കൂള്‍ വിദ്യാര്‍ഥികള്‍ക്ക് ഐഡിയല്‍ കാംപസില്‍ സ്വീകരണം നല്‍കി.
തുടര്‍ച്ചയായി അഞ്ചാം  തവണയാണ് ഐഡിയല്‍ ജില്ലാ അത് ലറ്റിക് മീറ്റില്‍ ചാംപ്യന്‍ പട്ടം കരസ്ഥമാക്കുന്നത്.  അണ്ടര്‍ 14, 16, 18, 20 ആണ്‍കുട്ടികളുടേയും പെണ്‍കുട്ടികളുടേയും വിഭാഗങ്ങളിലായി  256 അത്‌ലറ്റുകളാണ്  ഐഡിയല്‍ സ്‌കൂളില്‍ ിന്നു  പങ്കെടുത്തത്. പ്രധാന കോച്ച് നദീഷ് ചാക്കോ,  ശാഫി അമ്മായത്ത്, തസ്‌നി ശരീഫ്, എന്നിവരാണു ടീമിന്റെ പരിശീലകര്‍. സ്വീകരണചടങ്ങ് അക്കാദമിക് ഡയറക്ടര്‍ മജീദ്‌ഐഡിയല്‍  ഉദ്ഘാടനം ചെയ്തു.
 ട്രസ്റ്റ് ചെയര്‍മാന്‍ പി.കുഞ്ഞാവുഹാജി അധ്യക്ഷനായി. സെക്രട്ടറി കെ.കെ എസ് ആറ്റക്കോയ തങ്ങള്‍  സീനിയര്‍ പ്രിന്‍സിപ്പാള്‍ ജോസഫ് വി.ടി,  നദീഷ് ചാക്കോ, തസ്‌നി ഷരീഫ്,  ശാഫി അമ്മായത്ത്,   ഉമര്‍ പുനത്തില്‍,  വി.മൊയ്തു, അഭിലാഷ് ശങ്കര്‍,  ചിത്ര ഹരിദാസ്,  പ്രവീണ രാജ, അബൂബക്കര്‍,  സോണി കുര്യാക്കോസ്  എന്നിവര്‍ സംസാരിച്ചു.